Ingelesezko murgiltze linguistikorako kanpalekua

Zer dira Cool Off jardunaldiak?

Kids&Us-en udako kanpamentuak ingelesa ikasgeletatik harago eramateko aukera zoragarria dira. Naturan bete-betean, gure ikasleak hizkuntzan murgilduko dira astebetez, eta ingelesa ikasiko dute; baina, ez hori bakarrik. Gainera, munduko kulturak ezagutuko dituzte, pertsonalki haziko dira eta lagun berriak egingo dituzte.

Hizkuntzan murgiltzeko kanpamentuei buruzko oinarrizko informazioa

Nor etor daiteke Cool Off kanpamentuetara? Kanpamentuak 7 eta 13 urte bitarteko haurrentzat pentsatuta daude.
Zenbat irauten dute? 7 egun eta 6 gau irauten dute, igandetik larunbatera.
Nolakoak dira tokiak? Cool Off etxeak naturaren erdian daude. Instalazio osoak eta espazio ireki ludikoak dituzte, jolasteko eta kirola egiteko aproposak.
Nolakoak dira taldeak? Adin-tarte bereko 10 haurreko talde txikiak egiten ditugu.
Begiraleek ingelesez hitz egiten dute? Gure begirale-taldeak ingelesa soilik erabiltzen du komunikazio-hizkuntza gisa eguneko 24 orduetan. Guztiek Proficiency maila edo haren baliokidea dute.

Cool Off kanpamentuei buruz jakin behar duzun guztia

Nola antolatuko dira taldeak?

Parte-hartzaileen adina eta ingeles-maila oinarri hartuta osatuko dira taldeak. Kontuan izango da, halaber, lagunekin batera egoteko aukera, posible bada.

Ingelesaz gain, beste hizkuntzarik hitz egingo da?

Gure monitoreak ingelesez bakarrik mintzatuko dira; horrela, murgiltze-giroa biziko dute haurrek. Hala ere, erreferentziako pertsona batek, zuzendariak, gaztelaniaz, katalanez edo euskaraz egiten du, eta bitartekari-lanak egin ditzake hala behar denean.

Parte-hartzaile bat gaixotzen bada edo parte-hartzaile batek arreta medikoa behar badu, zein da prozedura?

Medikuarengana eramango dugu parte-hartzailea, eta haren familiarekin harremanetan jarriko gara, egoeraren berri emateko.